ಭಾರತ ಚಿತ್ರರಂಗದ ಯೂನಿವರ್ಸಲ್ ಸಿನಿಮಾ ಕೆಜಿಎಫ್2 ಏಪ್ರಿಲ್ 14ರಂದು ತೆರೆ ಮೇಲೆ ಅಬ್ಬರಿಸಲು ಸಜ್ಜಾಗಿದೆ. ಕೆಜಿಎಫ್2 ಸಿನಿಮಾದ ಬಿಡುಗಡೆಗೆ ಇದೀಗ ಕೌಂಟ್ ಡೌನ್ ಶುರುವಾಗಿದೆ. ವಿಶ್ವದಾದ್ಯಂತ ಈ ಸಿನಿಮಾವನ್ನು ಬಿಡುಗಡೆ ಮಾಡುವುದಾಗಿ ಹೊಂಬಾಳೆ ನಿರ್ಮಾಣ ಸಂಸ್ಥೆ ಈಗಾಗಲೇ ದಿನಾಂಕವನ್ನು ಗೊತ್ತು ಮಾಡಿದೆ. ಹಲವಾರು ವಿಷಯಗಳಿಂದ ಕೆಜಿಎಫ್2 ಚಿತ್ರ ಸುದ್ದಿಯಲ್ಲಿದೆ. ಹೌದು ಈ ನಡುವೆ ಈ ಸಿನಿಮಾದ ಬಗ್ಗೆ ಇತ್ತೀಚೆಗೆ ಗಾಂಧಿನಗರದಲ್ಲಿ ಮತ್ತೊಂದು ಸುದ್ದಿ ಹರಿದಾಡುತ್ತಿತ್ತು. ಅದೇನೆಂದರೆ ಕೆಜಿಎಫ್2 ಹಾಲಿವುಡ್ ನಲ್ಲೂ ರಿಲೀಸ್ ಆಗಲಿದೆಯಂತೆ. ಈ ಸುದ್ದಿ ನಿಜವೇ ಆದಲ್ಲಿ, ನಮ್ಮ ಸ್ಯಾಂಡಲ್ವುಡ್ ಗೆಲುವಿನ ಶಿಖರವನ್ನೇರುವುದಂತೂ ಗ್ಯಾರಂಟಿ. ನಮ್ಮ ರಾಕಿಂಗ್ ಸ್ಟಾರ್ ಯಶ್ ಅಭಿನಯಿಸಿರುವ ಕೆಜಿಎಫ್ ಚಾಪ್ಟರ್2 ಸಿನಿಮಾ ಭಾರತೀಯ ಚಿತ್ರರಂಗದಲ್ಲಿ ಭಾರಿ ನಿರೀಕ್ಷೆಯನ್ನು ಮೂಡಿಸಿದ ಸಿನಿಮಾ ಆಗಿದೆ.
ಯಶ್ ಅವರ ಹುಟ್ಟುಹಬ್ಬದಂದು ಡೇಂಜರ್ ಅಹೇಡ್ ಎಂಬ ಶೀರ್ಷಿಕೆಯೊಂದಿಗೆ ಕೆಜಿಎಫ್ ಚಾಪ್ಟರ್2 ಚಿತ್ರದ ಟೀಸರ್ ಬಿಡುಗಡೆಯಾಗಿತ್ತು. ಬಿಡುಗಡೆಯಾದ ದಿನವೇ ಅತಿಹೆಚ್ಚು ಲೈಕ್ಸ್ ಮತ್ತು ವ್ಯೂಸ್ ಗಳನ್ನು ಪಡೆದು ದಾಖಲೆ ಬರೆದಿತ್ತು. ಪ್ರಶಾಂತ್ ನೀಲ್ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರಕ್ಕೆ, ರವಿ ಬಸ್ರೂರ್ ಸಂಗೀತ ಸಂಯೋಜನೆ ನೀಡಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್ ಜೊತೆ ಖಡಕ್ ವಿಲ್ಲನ್ ಆಗಿ ಅಧೀರ ಪಾತ್ರದಾರಿ ಸಂಜಯ್ ದತ್ ಮಿಂಚಲಿದ್ದು, ಇನ್ನು ಪ್ರಧಾನಮಂತ್ರಿಯ ಪಾತ್ರದಲ್ಲಿ ರಮಿಕಾ ಆಗಿ ಬಾಲಿವುಡ್ ನಟಿ ರವೀನಾ ಕಾಣಿಸಿಕೊಳ್ಳುತ್ತಿದ್ದಾರೆ. ಬಾಲಿವುಡ್ ನಟ ಸಂಜಯ್ ದತ್, ತೆಲುಗು ನಟ ರಮೇಶ್, ಪ್ರಕಾಶ್ ರಾಜ್ ಸೇರಿದಂತೆ ಅತಿ ದೊಡ್ಡ ತಾರಾಬಳಗ ಈ ಚಿತ್ರಕ್ಕಿದೆ. ಎಲ್ಲರ ಡಬ್ಬಿಂಗ್ ಕೆಲಸ ಪೂರ್ಣಗೊಳ್ಳುತ್ತಿದ್ದು ಏಪ್ರಿಲ್ 14ರಂದು ಬಾಕ್ಸ್ ಆಫೀಸ್ ಧೂಳೆಬ್ಬಿಸಲು ರಾಕಿ ಬಾಯ್ ಸಜ್ಜಾಗಿದ್ದಾರೆ ಎಂದು ಸುದ್ದಿಯಾಗಿತ್ತು. ಇವೆಲ್ಲಾ ಸುದ್ದಿಗಳ ನಡುವೆ ಮತ್ತೊಂದು ಸುದ್ದಿ ಗಾಂಧಿನಗರವನ್ನು ಪ್ರವೇಶಿಸಿದೆ.
ಅದೇನೆಂದರೆ ಕೆಜಿಎಫ್2 ಸಿನಿಮಾ ಇಂಗ್ಲಿಷನಲ್ಲಿ ರಿಲೀಸ್ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಅಂದುಕೊಂಡಂತೆ ಆದರೆ ರಾಕಿ ಬಾಯ್ ಹಾಲಿವುಡ್ ನಲ್ಲೂ ಹವಾ ಕ್ರಿಯೆಟ್ ಮಾಡಲಿದ್ದಾರೆ. ಈಗಾಗಲೇ ಐದು ಭಾಷೆಗಳಲ್ಲಿ ಹೆಸರು ಹಾಕಿ, ಆಯಾ ಭಾಷೆಯ ಪೋಸ್ಟರ್ ಮತ್ತು ಹಾಡುಗಳನ್ನು ಚಿತ್ರತಂಡ ಬಿಡುಗಡೆ ಮಾಡಿದ್ದು, ಇದೀಗ ಇಂಗ್ಲಿಷ್ನಲ್ಲಿ ಸಿನಿಮಾ ರಿಲೀಸ್ ಮಾಡುವ ಪ್ಲ್ಯಾನ್ ಮಾಡಿದ್ದಾರೆ. ಇದು ಪ್ಯಾನ್ ಇಂಡಿಯಾ ಸಿನಿಮಾ ಆಗಿರುವುದರಿಂದ ಕೇವಲ ಭಾಷೆ ಬದಲಾವಣೆ ಮಾತ್ರ ಆಗಬೇಕು. ಕೆಜಿಎಫ್1 ಸಿನಿಮಾ ವನ್ನು ಕೇವಲ ಭಾರತದಲ್ಲಿ ಮಾತ್ರವಲ್ಲದೆ ಬೇರೆ ದೇಶಗಳಲ್ಲೂ ರಿಲೀಸ್ ಮಾಡಲಾಗಿತ್ತು. ಅಲ್ಲಿಯೂ ಉತ್ತಮ ಪ್ರತಿಕ್ರಿಯೆ ಬರೆದಿದ್ದರಿಂದ ಚಿತ್ರತಂಡಕ್ಕೆ ಈ ಯೋಜನೆ ಬಂದಿದೆ. ಅಂದುಕೊಂಡಂತೆ ಆದರೆ ಯಶ್ ಅವರು ಹಾಲಿವುಡ್ ನಲ್ಲೂ ಮಿಂಚಲಿದ್ದಾರೆ. ಇತ್ತೀಚಿಗೆ ಕೆಜಿಎಫ್2 ಚಿತ್ರದಿಂದ ಮತ್ತೊಂದು ಅಪ್ಡೇಟ್ ಹೊರಬಿದ್ದಿದೆ. ಈ ಹೊಸ ಅಪ್ಡೇಟ್ ನಿಂದ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ.
ಏಕೆಂದರೆ ಕೆಜಿಎಫ್ ಸಿನಿಮಾವನ್ನು ಪ್ರಚಾರಮಾಡಲು ಈ ಬಾರಿ ಅಭಿಮಾನಿಗಳಿಗೂ ಅವಕಾಶ ನೀಡಲಾಗುತ್ತಿದೆ. ಹೌದು ಸಿನಿಮಾ ತೆರೆ ಕಾಣುವ ಮುನ್ನ ಚಿತ್ರದ ಪ್ರಚಾರ ಅನಿವಾರ್ಯ. ಈ ಬಾರಿ ಕೆಜಿಎಫ್ ಚಿತ್ರತಂಡ ಯುನಿಕ್ ಆಗಿ ಚಿತ್ರದ ಪ್ರಚಾರವನ್ನು ಮಾಡಲು ನಿರ್ಧರಿಸಿದೆ. ಈ ಬಗ್ಗೆ ಸ್ವತಹ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಹೊಂಬಾಳೆ ಫಿಲಂ ಸಾಮಾಜಿಕ ಜಾಲತಾಣಗಳಲ್ಲಿ ಲಿಂಕ್ ಗಳನ್ನು ನೀಡಿದ್ದಾರೆ. ಈ ಲಿಂಕ್-ಗೆ ಹೋಗಿ ಕೆಜಿಎಫ್2 ಸಿನಿಮಾದ ಪೋಸ್ಟರನ್ನು ನೀವೇ ಕ್ರಿಯಾತ್ಮಕವಾಗಿ ತಯಾರಿಸಿ ಅಪ್ಲೋಡ್ ಮಾಡಬಹುದಾಗಿದೆ. ಇದರಲ್ಲಿ ಅತ್ಯುತ್ತಮವಾಗಿರುವುದನ್ನು ಆರಿಸಿ ಕೆಜಿಎಫ್ ಚಿತ್ರತಂಡ ಪ್ರಚಾರಕ್ಕೆ ಬಳಸಲಿದೆ ಎಂದು ಬರೆದುಕೊಂಡಿದ್ದಾರೆ. ಕೆಜಿಎಫ್2 ಸಿನಿಮಾ ಪ್ರಚಾರಕ್ಕೆ ಅಭಿಮಾನಿಗಳು ಮಾಡುವ ಕಲಾಕೃತಿಯ ಕಟೌಟ್ ಗಳನ್ನು ಬಳಸಲಾಗುವುದು ಎಂದು ಚಿತ್ರತಂಡ ಸಾರ್ವಜನಿಕವಾಗಿ ಆಹ್ವಾನ ನೀಡಿದೆ.